AP Center

Pa bo i bo famia

Sigui traha riba bo kurpa, ku guia.

Na AP Center bo ta bini regularmente pa traha riba bo kondishon físiko, ku ekipo adaptá i guia profeshonal. Aki bo ta lesa kon un seshon ta bai.

Kiko un seshon ta

Aparatonan adaptá

Tin varios aparato ku ta traha tambe pa hende den ròlstul. Sea automatiko òf manual pa krea forsa i kondishon

Terapia di lus kòrá

Red light therapy komo parti di e programa. Ku ta stimula sirkulashon, alivia dolo i prepara e muskulonan pa ehersisio

Masahe funshonal

Pa laga múskulo i moveshon keda mas suave, kita steif i dolo pa un miho moveshon i postura.

Guia struktural

Tin trainer, fisioterapista, masajista, asistente di sala ku tei pa sostene bo i sigui bo progreso.
Un fisioterapista di AP Center ta yuda un kliente kana ku sosten.Un masahista di AP Center ta duna masahe funshonal na un kliente riba un banki di tratamentu.

Kiko klientenan ta eksperensiá

“Nos ta enfoká riba kiko ta posibel pero ta e kliente ta tesun ku ta hasié posibel.”

E progreso ta mustra su mes den kosnan di tur dia: lanta bo mes, basha bo mes glas di awa, bolbe kuminsá stür, alivio di dolo, skapa di garoti. No ta tur hende ta yega e mesun kaminda pero ta e trabou ta konta.

Pa ken e ta

AP Center ta pa e persona ku un kondishon neurológiko, sin importá nivel di funshon. Nos ta invitá bo pa bini papia ku nos si esakinan ta konta pa bo:

  • Bo por sinta den un ròlstul.
  • Bo ta komprondé i sigui instrukshon.
  • Bo por komuniká si algu no ta bon òf ta hasi doló.

Un fisioterapista ta evaluá kada persona promé, pa mira si AP Center ta un bon lugá pa bo na e momento aki. Un sita di intake no ta konfirmá un lugá pa kuminsá ku ehersisio. E ta un kombersashon di introdukshon

Kuantu e ta kosta

XCG 35 pa seshon

E preis aki ta nos tarifa sosial pa personanan ku un limitashon fisiko. E kosto real ta mas haltu; e diferensia ta keda kubrí pa donashon i fondonan, pa e seshonnan keda pagabel pa nos klientenan. Durante intake nos ta duna tur informashon

Pagamentu pa ehersisio ta tuma lugá na komienso di e luna di ehersisio.

Kondishonnan ku nos ta traha kuné

Nos ta traha ku hende ku un kondishon neurológiko ku a kaba nan rehabilitashon formal. Klek riba un kondishon pa lesa kon un seshon ta bai.

Lesa e preguntanan frekuente

Pa ken e informashon aki ta

Kada hende ta yega na nos di un manera diferente. Bo por kontaktá nos direktamente.

Pidi un intake

Pidi un intake

Yena bo datos i nos ta kontaktá bo pa regla un intake ku e fisioterapista. E intake aki ta un kombersashon di introdukshon.

Pidi un intake

Preguntanan frekuente

Pa ken AP Center ta?

Pa hende ku un kondishon neurológiko — manera leshon di wes'í lomba, ataka selebral (CVA) òf MS — sin importá nivel di funshon. Bo por sinta den un ròlstul. Importante ta ku bo por komuniká si algu no ta bon òf ta hasi doló.

Mi por bini ku ròlstul, i tin transporte?

Sí, bo por bini ku ròlstul. Tokante transporte: indiká esei den e formulario di intake i nos ta papia huntu kua opshon tin.

Kuanto un seshon ta kosta?

Un seshon ta kosta XCG 35 pa persona ku un kondishon neurológiko. Esaki ta nos tarifa sosial; e kosto real ta rònt di XCG 80 i e diferensia ta keda kubrí pa donashon i fondonan. Pagamentu pa ehersisio ta tuma lugá na komienso di e luna di ehersisio.

Kiko ta pasa durante un intake?

E intake ta un kòmbersashon di introdukshon — no un reservashon i no un konfirmashon di un seshon di ehersisio. Nos ta konosé bo, skucha bo meta, splika kon nos ta traha i duna tur informashon tokante kosto i orario.

Wak tur pregunta